दिलीप-राज-देव हे ते तीन निर्विवाद सुपरस्टार्स - हे तीन महामानव - एकाच सुमारास जन्मले आणि एकाच सुमारास पडद्यावर आले- 'ते आले- त्यांनी पाहिले त्यांनी जिंकले आणि भारतातल्या तमाम चित्रपट रसिकांची त्यांनी आपापल्या फॅन्समध्ये फाळणी करून टाकली.

स्वातंत्र्यापूर्वीची एक-दोन वर्षे ते स्वतंत्र भारताची पहिली २०-२५ वर्षे ही त्रिमूर्ती खऱ्या अर्थाने रसिकांच्या हृदयात विराजमान झाली. त्यांनी प्रेक्षकांना तारुण्य जगायला शिकवलं. नायकप्रधान चित्रपटांना या तिघांनीच जन्म दिला आणि आपापल्या वैभवशाली कारकिर्दीत तो शेवटपर्यंत टिकवला....